ne jemi nomadë
no shadow (Pa hije)
Memory + miell + sheqer në një valixhe të vogël e të zezë
ne jemi nomadë. . . e një lum që rrjedh në botë. . .
kur ta hapim valixhen tonë ‘no shadow’ të vogël e të zezë, materialeve u vjen aromë
Tangari, nga plazhet e tij, të Detit Mesdhe, e të Detit Adriatik. . .
nga gurët e Petrës. . .
nga rëra e Piramidave. . .
nga përroi i vogël i Brëzezinkës. . .
nga pishat e Akropolisit . . .
nga rrugët e Sofjes,
nga godinat e vjetra të Les Kurbasit në Liviv. . .
nga Bjeshkët e Naganos . . .
nga kripa e Liqenit të Altaus-it. . .
nga liria e Prishtinës, Sarajevës dhe Kurdistanit . . .
ne jemi nomadë . . . ne jemi një lumë. . .
ne, në valixhen tonë ‘no shadow’ të vogël e të zezë, nuk mbajmë fshehtësi,
por vetëm gjurmë ngazëllimi, dhembjeje, nga takimet dhe ndarjet tona,
ne jemi nomadë. . . ne jemi një lumë. . .
valixhja jonë e vogël, e zezë, është një valixhe udhëtimi, një valixhe këndimi. . .
përplot melodi guri, rëre, uji e kripe. . .
memory + miell + sheqer
ne jemi nomadë. . . ne jemi një lumë. . .
pavarësisht valixhes sonë të vogël e të zezë që e zvarrisim pas,
dhe vetë – jemi – përbrenda saj. . .
ne jemi nomadë. . . ne jemi një lumë. . .
në valixhen tonë, të vogël e të zezë gjenden rrugë, male, lugina, perone, terminale, fytyra dhe histori të panumërta njerëzish. . .
madje dhe qielli. . .
ne jemi nomadë. . . ne jemi një lumë. . . ne jemi të pashtet. . .
aty ku hapim valixhen tonë, aty është atdheu ynë. . .
Shamal Amin: Autori është regjisor, aktor, antropolog dhe bashkëthemelues i Teatrit Lalish në Vjenë. Ka një miqësi dhe marrëdhënie të vazhdueshme me Kosovën. Pjesëmarrës në disa prej festivale ndërkombëtare te teatrit dhe filmin në Kosovë.
Lalish Theaterlabor, Vjenë, gusht 2011
Botuar më 07. 01. 2012 në të përditshmën “Zëri”, Kosovë
përktheu / translated in Albanian by: Alban Beqiraj